.... आणि .... भीमाशंकराच्या जटात अन नाणेघाटाच्या ओठात वसलेल्या किल्ले शिवनेरीवर उष:काल झाला .... शिवरायांचा जन्म झाला ..... पुत्र जिजाउसाहेबांना झाला ... पुत्र शहाजीराजांना झाला .... पुत्र सह्याद्रीला झाला ... पुत्र महाराष्ट्राला झाला ... पुत्र भारतवर्षाला झाला ... शिवनेरीवर शिवबाचा पाळणा आंदोळू लागला .... महाराष्ट्राची भाग्यभवानी जीजाउसाहेबांच्या मुखाने अंगाईगीत गाऊ लागली ...
गुणी बाळ असा जागसि का रे वाया,
नीज रे नीज शिवराया
तरी डोळा लागत नाही
हा चालतसे, चाळा एकच असला
तिळ उसंत नाही जीवाला
निजवायाचा हरला सर्व उपाय
जागाच तरी शिवराय
चालेल जागता चटका
हा असाच घटका घटका
कुरवाळा किंवा हटका
का कष्टविशी तुझी सावळी काया ?
नीज रे नीज शिवराया
हे शांत निजे बारा मावळ थेट
शिवनेरी जुन्नरपेठ
त्या निजल्या ना, तशाच घाटाखाली
कोकणच्या चवदा ताली
ये भिववाया, बागुल तो बघ बाळा
किती बाई काळा काळा
इकडे हे सिद्धी-जमान
तो तिकडे अफझुलखान
पलीकडे मुलुख मैदान
हे आले रे, तुजला बाळ धराया
नीज रे नीज शिवराया
No comments:
Post a Comment